相信大家對台港澳LoL校際盃一啲都唔陌生，而嚟到今屆，IVE 繼2016年後又再一次成功打入決賽，仲有一個女隊員打support位置，真係好睇又好食。
IVE嘅中路RoyYip賽前就話希望呢場遊戲唔會太無聊，結果如佢所料，Game 1雙方已經打得有來有往，IVE嘅上路同Jungle成功帶起風向，令佢哋喺10分鐘嘅時候已經打出5-2嘅攻勢。但去到遊戲嘅中後期就自然見真章，清華嘅中、下路選手開始拉開差距，結果Game 1喺短短30分鐘裡面，以14-24結束賽事。
去到Game 2，IVE成個氣場唔同哂，中前期打出極大優勢，IVE嘅Zoe亦多次一度秒殺對手。但清華大學嘅學生唔單止讀書勁，打機都有番兩度，佢哋成功頂住前期嘅壓力，過咗30分鐘時間之後打出一波又一波精彩嘅團戰，最後喺39分鐘成功擊敗本地代表IVE，直落兩盤勇奪冠軍。
清華大學2-0力壓IVE 奪大專組冠軍，攞走NTD$150,000
