「工銀亞洲香港電競音樂節」又返嚟喇！活動將於8月底一連三日喺香港會議展覽中心舉行，屆時會上演三場國際頂級電競比賽，雲集逾110位嚟自香港及世界各地嘅好手參與，陣容強勁，獎金亦係破香港電競史上新高！
今屆「香港電競音樂節」節目非常豐富，賽事、表演、試玩一蘿蘿！重頭戲除咗「英雄聯盟王者回歸世界邀請賽2018」之外，另外仲新設多兩項熱門遊戲賽事，包括總獎金高達30萬美金(逾200萬港元)嘅「ZOTAC CUP MASTERS《CS:GO》盃賽全球總決賽 2018」，及「香港《絕地求生》世界邀請賽」，14隊國際及2隊香港強隊同時爭奪高達15萬美元 (逾100萬港元)獎金，金額為《絕地求生》本港賽事中歷來最高。而今次比賽亦都會網上直播，等全球電競迷可以一同感受賽事嘅刺激！
台上精彩，台下一樣吸引！除咗連場電競賽事之外，入場人士亦可以到場內嘅「體驗專區」率先體驗最新嘅電競及電玩產品，現場仲有電玩遊戲展覽、虛擬實境、手遊試玩、網紅表演及音樂表演等精采節目恭候。「香港電競音樂節」今年更推出票務優惠，持票者可以免費行埋「香港電腦通訊展」，係咪好抵呢？大家記得唔好錯過！
「工銀亞洲香港電競音樂節」
日期：2018年8月24日至26日
地點：香港會議展覽中心（會展）展覽廳3
票價：HK$250/120/50；「體驗專區」HK$10
（門票將於7月16日(星期一)起於「快達票」公開發售）
活動詳情可瀏覽「工銀亞洲香港電競音樂節」網站！
