年輕人鍾意玩online game好正常,但打機打到無晒節制,過分沉迷,就令父母好頭痕!為咗解決呢個問題,《王者荣耀》將透過人臉辨識驗證,對未成年用戶進行管制。

疑似未成年嘅《王者荣耀》用户喺登錄遊戲嘅時候,會被要求進行人臉辨識驗證,如果拒絕驗證或者與實名信息不符者,系統將會一律視佢哋為十二歲或以下嘅未成年人士,並對佢哋實施監管。

自系統納入中國公安實名校檢之後,在測試期間,《王者荣耀》對用戶身份有更準確嘅掌握,未成年用戶進行遊戲嘅時間明顯減少,12歲以下嘅小朋友,平均遊戲時間大幅下降近五成,而未來系統將會進一步擴大,相信會更有效控制年輕人打機嘅時間。

資料來源:tantannews.com

相關新聞