喋血復仇 Back 4 Blood 公測始動 5件入手前必知事件
《Back 4 Blood / 喋血復仇 / B4B》終於推出公開測試，如果你未玩過《Left 4 Dead》，介紹返：
十幾年前網絡遊戲仲未風行，LAN Party聯機遊戲係唯一同朋友玩嘅選擇；除咗策略遊戲8打之外，《Left 4 Dead》係咁多遊戲入面結合4人合作同射擊嘅作品，一班人通力合作殺喪屍，用最快嘅方法去到另一個安全屋就過關，聽落容易但實戰變化多端，落網吧玩都係好多人選擇《Left 4 Dead 2》玩足一晚嘅game！
《Left 4 Dead》咁Hit，玩家自然好期待新一集，不過Valve原本話想出第三集，可惜隨著不斷傳消息又否認，玩家期待度好快就冷卻，直到原製作團隊Turtle Rock Studios離開Valve後玩家一直要求出新作，結果等了又等《Back 4 Blood / 喋血復仇 / B4B》終於喺今年推出！新作同《Left 4 Dead》又幾大進步、嚟緊值唔值得買，透過早前完成嘅公測，Heaha Media有幸參與測試，以下逐一講解！
《喋血復仇》故事背景
一場災難性的爆發之後，大多數人類都被寄生蠕蟲所殺死或感染。一群被稱為「清理者」的末日老兵在一系列突發事件中變得堅強，且有膽量成爲人類的最後防綫。他們團結起來對付被稱為災變者的受感染生物，並決心重新奪回世界。
喺《喋血復仇》入面，起手可以揀嘅角色都有8個，以前《Left 4 Dead》你會用任何一個角色都唔會有能力上分別，但《喋血復仇》就唔同，每個角色都有唔同能力分別，有啲角色可以隨機補彈、特定條件達成限時提高射擊準確度，玩家可以睇自己擅長做坦、射擊手或者做一個亂劈刀手都可以，4名隊員合作通關。
跨平台
一向只有PC平台的《Left 4 Dead》，來到《喋血復仇》支援的跨平台遊玩機能，絕對係遊戲一大賣點，不論PC（STEAM / Epic Store） / PS4 / PS5 / Xbox One / Xbox Series X / Xbox Series S，只要有Game都可以網絡連接遊玩，不同平台也能4人組隊合作通關，經測試版印證可行並運作暢順，Heaha測試時亦會顯示各玩家使用平台。開放不同平台組隊，免除單一平台人數所限無法找到對手嘅問題，日後正式版推出後都唔會擔心Server冇人！
玩家所屬平台都會顯示，這場由3位PC玩家與PS5合作出戰。
支援4K HDR
《喋血復仇》用PS5 / Xbox Series X都可享受4K HDR顯示，，或配備Intel Core i5-8400 / AMD Ryzen 7 1800X及Nvidia GeForce GTX 970 / Radeon RX 590顯示卡PC，亦有最順暢嘅遊戲體驗，畫面方面《喋血復仇》經歷時代洗禮，除咗保留《Left 4 Dead》嘅行進速度，畫面亦有高水準表現，喪屍群亦有不同造型，細心睇會發現並非「無雙雜兵」，測試版出場嘅兩款Boss級大佬就比較統一，暫時喺測試版就唔會同時有兩個以上Boss同場出現，所以都唔算大問題。
武器自主
遊戲間《B4B》節奏明快，每次進入安全屋都可以先購入武器，同《L4D》要喺遊戲入面等運到執槍唔同，《B4B》可以用遊戲用銅幣買稀有版高攻槍同專屬配件，強化後武器殺喪屍更爽，同伴亦可幫忙買武器道具即時分享，係合作戰鬥嘅第一步。
路線變化多端
測試版本開放第一章全版圖，同《L4D》比較會有多少少路線走動，雖然都係一本道但可以走動嘅地方多咗，戰術變化亦相應增加，不過喪屍出沒點都多咗，玩家就要留意。
新增卡牌系統
值得留意嘅係本作嘅卡牌系統，透過通關後取得技能點開啟，然後每場開局前獲發一張任選卡（5揀1），選擇 BUFF 武器、體力、生命值等技能，或倒地時使用武器等特殊技能，四人合作時可以同隊友先夾一夾技能分配，合作通關會更加順利。有利有弊，每局開始嘅「腐敗卡牌」卡片系統會改變遊戲環境或強化喪屍，玩家所玩嘅遊戲體驗唔會次次一樣，增加耐玩度。
由8月13日開始，《喋血復仇》PS4 / PS5 / Xbox One / Xbox Series X|S同PC平台進行公開測試，先前取得測試版本嘅玩家自動參加，想體驗《喋血復仇》嘅玩家可以到 Heaha Media Facebook專頁索取測試版（PS5 / PS4平台，須連上PS Plus參與連線合作）。
《喋血復仇》預定2021年10月12日推出，售價待定。
索取Back 4 Blood / 喋血復仇 測試連結
