LMS雖然開季冇耐，但已經好有睇頭，而其中一個原因一定關HKA事。HKA近幾年其實喺LMS嘅表現都唔係太順利，加上人事變動又大，搞到表現一直都平平，作為其中一隊香港隊伍，小編當時睇佢哋比賽嘅時候都抖哂大氣。但嚟到今季，HKA引入咗中路選手cyeol同上路選手erssu，兩個都係韓國選手，即刻成個精神面貌唔同哂。
Erssu原本係韓國隊伍Jin Air嘅選手，嚟到台港澳賽區，始終兩地水平有差距，要應付呢邊嘅比賽都可以話係綽綽有餘，至於cyeol就係初次成為職業選手，但表現一啲都唔怯場，對住Ahq嘅時候，仲因為佢嘅跑線令到HKA嬴埋場game。但開季始終都只係得一個禮拜，佢哋又會唔會係虎頭蛇尾，就要睇下邊個可以拎到張世界賽嘅門票啦！
