宜家出Game有唔同版本就已經係事實，足球遊戲《PES2019》除咗用型男碧咸做封面，仲有乜野新元素喺入面？
即將喺8月24日推出嘅《PES2019》，可以正名使用嘅球會聯賽包括：丹麥足球超級聯賽、葡萄牙足球超級聯賽、比利時足球甲級聯賽、瑞士足球超級聯賽、蘇格蘭足球超級聯賽、阿根廷甲級足球聯賽、同俄羅斯足球超級聯賽等等總共9個聯賽。
而遊戲會有4個版本，大概比較引人注目嘅係《David Beckham Edition》，皆因會有碧咸嘅3D Scan！想再高級啲？可以直接預訂下載版《Digital Edition》，一次過有齊11個經典球星，除咗咸爺，仲有羅拔圖卡路士、卡富等人盡在手中！
