國際奧委會（IOC）和全球國際體育聯合會（GAISF）近排就宣布喺7月21日會去瑞士嘅奧林匹克博物館搞「電子競技論壇」，睇下究竟電競成為奧運項目係咪真係有得諗。
到時好多大人物都會出席呢個大茶飯盛會，除咗啲官方機構之外，仲有唔同嘅戰隊、選手、遊戲嘅開發商，包括LoL同Overwatch等等，睇嚟大家今次都係嚟真，證明畀全世界知打機唔一定係乞食，唔讀書都唔一定會餓死。成日都聽到人話：今時唔同往日啦…時代變啦，如果今次真係傾得掂數，到時大家睇奧運嘅時候就唔淨止係跳水呀、田徑呀、冰壺之類，到時係隔住個mon睇人打機呀！
