年紀小小可以做得啲咩？唔好睇小小朋友嘅創造力！早前入圍「全港青少年編程大賽2018」決賽嘅一班中小學生就設計出屬於自己嘅電腦遊戲，話唔定有日青出於藍，未來香港嘅遊戲就係靠佢哋打造！
香港精算扶輪社創社社長 伍培坤先生
於早前8月26日，跟香港電腦通訊節和電競音樂節同日舉行嘅仲有另一項盛事－「全港青少年編程大賽2018」，比賽由香港精算扶輪社、Techbob Academy 及中外企業促進聯會聯合主辦，油麻地街坊會、旺角街坊會、香港新興科技教育協會及油尖旺區校長會合辦，目的係希望透過活動鼓勵青少年發揮想像力及運用不同嘅編程技巧去設計出自己原創嘅電腦遊戲，啟發新生代對電腦編程嘅興趣，成為創科生力軍，為香港未來作出貢獻。
評判之一，香港新興科技教育協會創會會長 洪文正先生
「問問Master Joe」節目主持人 游茛維先生 (Master Joe) 亦有份擔任評判
比賽按參賽者年齡分為四組，設有個人賽及校際賽，年紀最小嘅組別只有5-7歲。創作並非大人嘅專利，雖然參賽者人仔細細，但個個創意無限，設計出嚟嘅遊戲趣味十足，而且上台講解自己作品嘅時候，表現非常淡定，一啲都唔怯場。年紀小小已經咁出色，希望佢哋日後可以製作更多屬於香港人嘅遊戲！
校際賽的得獎名單如下:
第1 組(5-7 歲)校際冠軍 大角嘴天主教小學(海帆道)
第2 組(8-9 歲)校際冠軍 油蔴地街坊會學校
第3 組(10-11 歲)校際冠軍 大角嘴天主教小學(海帆道)
第4 組(12-14 歲)校際冠軍 林大輝中學
個人賽的得獎名單如下:
第1 組(5-7 歲)
冠軍 李玟慧 (荃灣商會學校)
亞軍 Brandyn Yip (禮賢會學校)
季軍 吳鵠宇 (大角嘴天主教小學（海帆道）)
第2 組(8-9 歲)
冠軍 黎俊言 (大角嘴天主教小學（海帆道）)
亞軍 Nicole Ha Na Sze (東華三院鶴山小學)
季軍 Mirandilla Harvey Nathan H (油蔴地街坊會學校)
優異獎 錢柯宇 (河馬小創客)
第3 組(10-11 歲)
冠軍 Chaney Chan (軒尼詩道官立小學(銅鑼灣))
亞軍 王志臻 (大角嘴天主教小學（海帆道）)
季軍 黃俊熹 (大角嘴天主教小學（海帆道）)
第4 組(12-14 歲)
冠軍 陳展樂 (林大輝中學)
亞軍 李衍楠 (林大輝中學)
季軍 黃浩賢 (林大輝中學)
「全港青少年編程大賽2018」告一段落，但同類嘅比賽將會喺往後繼續舉行，大家記得支持！
部分相片由官方提供。
